लड़का:
कख होलि वा, कनि होलि वा -२
बालि सी या सयाणी होलि वा।
माया लगौंलू जैंम मन कि बात बिंगौलु।
कख होलि वा, कनि होलि वा।।
लड़की:
को होलु वो, कनु होलु वो -२
अपडु या विरणु होलु वो।
पिड़ा लगौंलु जैंम मन कि बात बथौंलू।
को होलु वो, कनु होलु वो।
कख होलि वा, कनि होलि वा।।
लड़का :
सचि मा कबि नि देखि नि जाणि, सचि मा जाणि नि देखि,
सुपिन्यों मा कबि झल दिखेंद, कबि लुके-लुकेकि।
होलि झणी कुज्याणि ज्वा स्वाँद मैसणि भगी।
कख होलि वा, कनि होलि वा -२
लड़की:
हैरा जौ का झीस लठ्याला, हैरा जौ का झीस,
होलु कनु वु मीत मेरु आँख्यूं की जु तीस।
झट दिख्ये जा, तर कै जा म्येरि मयलि जिकुड़ी।
को होलु वो, कनु होलु वो -२
अपडु या विरणु होलु वो।
No comments:
Post a Comment