मेरो प्यारो उत्तराखण्ड, तू सदनि रैई अखंड,
तू मेरो ज्यु-ज्याँन,
त्वै स्येई म्येरि पछ्याँण, मैमु बस त्येरि रस्याँण,
त्वी मान - सम्मान।
त्वै स्येई म्येरि पछ्याँण, मैमु बस त्येरि रस्याँण,
मैखुणि क्य छै तु दुन्या थैं,
आज मिन कनक्वै बतोंण।
नौना-ब्वै कु नातु बुल्दरा,
आखरों कख बिटि खुज्योंण,
मुखुड़ि म्येरि, त्येरि अन्वार,
त्वी जिकुड़ि मा, त्वी छै भ्यार,
मुखुड़ि म्येरि, त्येरि अन्वार,
त्वी जिकुड़ि मा, त्वी छै भ्यार,
त्वी धरम, त्वी ध्यान,
वुन त त्वे छोड़ि क आज,
दूर भिंडी ऐग्युं मि दूर,
त्येरि सौं त्येरि खुद य कबि,
होंदि नि, द्वी घड़ि बि दूर,
दुफरा, रुमुका, राति-सबेर,
समलुणम कबि व्है नि देर,
भुयाँ रौं चा असमान,
मेरो प्यारो उत्तराखण्ड …………………………
त्येरि सौं त्येरि खुद य कबि,
होंदि नि, द्वी घड़ि बि दूर,
दुफरा, रुमुका, राति-सबेर,
समलुणम कबि व्है नि देर,
भुयाँ रौं चा असमान,
मेरो प्यारो उत्तराखण्ड …………………………
खैरि का दिन जब अंदन कबि त,
जागि जन्दन नौना -बाला त्येरा।
चूंदा घौ - दुखदों मौल्याणु,
लग्याँ घौर-बौण वला त्येरा,
ल्वै नि बगि जु हौरि ब्वै,
सुख-संति रखि जत्र्वै,
दैणु ह्वै जै भगवान्,
मेरो प्यारो उत्तराखण्ड …………………………
जागि जन्दन नौना -बाला त्येरा।
चूंदा घौ - दुखदों मौल्याणु,
लग्याँ घौर-बौण वला त्येरा,
ल्वै नि बगि जु हौरि ब्वै,
सुख-संति रखि जत्र्वै,
दैणु ह्वै जै भगवान्,
मेरो प्यारो उत्तराखण्ड …………………………
बाटा लगीं त्येरा जुन्यलि रात,
रालि न यनि फेर औंस यिख,
होण वलि च व बि सबेर,
त्येरि बि होलि तड़ी - धौंस यिख,
दीणा छाँ हम त्वै बचन,
राँका उठयाँ छन सबून,
बालु , दानु य़ ज्वान,
रालि न यनि फेर औंस यिख,
होण वलि च व बि सबेर,
त्येरि बि होलि तड़ी - धौंस यिख,
दीणा छाँ हम त्वै बचन,
राँका उठयाँ छन सबून,
बालु , दानु य़ ज्वान,
मेरो प्यारो उत्तराखण्ड …………………………
रचना : विजय गौड़
१९. ०८. २०१३
कविता संग्रह 'रैबार' से
Copyright @ Vijay Gaur 19/08/2013
