त्वै स्ये मिलणु, छ्वीं लगाणु, मैं पसंद ऐ ग्ये,
क्या च यु, क्योकु च यु,मै नि पता,
सच त यु हि च कि तु मै पसंद ऐ ग्ये!!!
तेरु मुल-मुल हैसणु
छित्ती -छित्ती खंसणु,
त्येरि खुद, तेरु हि ख्याल,
म्येरा मन्न बसणु,
क्या च यु, क्योकु च यु,मै नि पता,
सच त यु हि च कि तु मै पसंद ऐ ग्ये!!!
अफ़ी -अफ़ी बच्याणु,
त्येरी छ्वीं लगाणु,
लोला मन्न मा अब,
हौरि कुछ भि त नि आणू,
क्या च यु, क्योकु च यु,मै नि पता,
सच त यु हि च कि तु मै पसंद ऐ ग्ये!!!
त्येरी सूरत आंख्यु मा रिंगणी,
ज़िन्दगी हौरि कुच बि नि बिंगणी,
खुट्टी बिन बुल्याँ, त्वै जना हिटणी,
स्वीणों-वीणों मा बस तू हि तु रिटणी,
क्या च यु, क्योकु च यु,मै नि पता,
सच त यु हि च कि तु मै पसंद ऐ ग्ये!!!
त्वै स्ये मिलणु, छ्वीं लगाणु, मैं पसंद ऐ ग्ये,
क्या च यु, क्योकु च यु,मै नि पता,
सच त यु हि च कि तु, म्येरि ह्वै ग्ये!!!
विजय गौड़
सर्वाधिकार सुरक्षित...
No comments:
Post a Comment