त्येरि प्रीतौ रंग मा यनु रंग्योँऊँ !! (for 8'th Marriage Anniversary)

त्येरि प्रीतौ रंग मा यनु रंग्योँऊँ ,

हल्दण्या , ललंगु अर झणि कै-२ रंग मा रंगे गेऊं।

मन अज्यूँ बि उनि ८ साल पैलि कु छोरा सि उतड़ेंदु त्वै  देखि कि,

या हैंकि बात च कि आज मि जरसि बुड्या हवै ग्येऊँ।।

आठ जिंदगि से भुरयां साल,
कबि उंदार, कबि उकाल।
हैंसि, रवैई, खैरि, विपदा कैकि बि कमि ना,
हरेक दिन मि त्वैमा जरसि हौरि डुबे गेऊं।
हल्दण्या , ललंगु ........

तु बि यनि हिटणि रै मैं जना,
मि त उनि अटगुणु रौंदु त्वै जना।
यनि साम-सबेर, रात-दिनौं, अता-पता इ नि चलु जु,
जरसि तु मेरि हूंदि रै, भंडि सि मि तेरु जौंऊं।

तेरि प्रीतौ.....
हल्दणयां, ललंगु.....

Eight year of togetherness! Shalini

Copy right@ Vijay Gaur
अपणा ब्यो कि आठवीं वर्षगाँठ क उपलक्ष मा अपणी प्रेयसी/धर्मपत्नी थैं समर्पित।

12 october 2015