"मनसा"

भंडी दिनों बटि भितिर हि भितर किल्स्येणु छौं

अपणी पछ्याण थैं प्रसिद्धि दयेणु तैं तर्स्येणु छौं 

म्यरा मुल्कि भै भैणों अब मै से नि रयेणु च,

मिथैंन "उत्तराखंड" नौ, 
दुन्या क नक्सा मा चयेणु च!

ब्यालि कैन मै पूछि कि भैजि कै मुल्का क छाँ?

'उत्तराखंड' बोलि त पुछ्दरु सवाल्या सि रै ग्ये। 

बद्री -केदार बोलि त बुन लै ग्ये अरे वू आपदौ गौं?
हमरि जलमभूमि कि बस आपदा इ पछ्याँण, 
बस यु इ मै से नि सयेणु च 

मिथैंन "उत्तराखंड" नौ, 
दुन्या क नक्सा मा चयेणु च!

क्या कन्न, हमरु इतिहास इ कुच यनु च, 

अपुथैन क्वी दिल्लीवलु त क्वी देरादूणों ब्वनु च, 
'पाड़ी ' बतौणे य सरम कनि?
जरा याँ से इ यु मन खटटु होणु च। 

मिथैंन "उत्तराखंड" नौ, 
दुन्या क नक्सा मा चयेणु च!

'उत्तराखंडी' कख -कख छन पौंछयाँ, 
उत्तराखंड जख्या तखि रै ग्ये। 
दुन्या कि भाषाओं थैं न अंग्वाल ब्वटीं च, 
अपड़ि भासा-सँस्कृति बस गौं फुंडी रै ग्ये। 

नौन्याल नामदार अर मयेड्यूं नौ इ ना,
बोलादि क्य यु भलु मैंणु च?
मिथैंन "उत्तराखंड" नौ, 
दुन्या क नक्सा मा चयेणु च!

@ विजय गौड़ 

०७/०८/२०१२ (संसोधित ०२ मार्च २०१४)

सर्वाधिकार सुरक्षित....

Public Views:

Jagpal Rawat Bahut hi badiya ch garu ji. sach ma hum sabhi thai uttarakhandi bolanan ma garva hundu chaind

Narendra Rawat bahut badiya

Ajay Rawat mast

Narendra Rawat, Sudarshan Rawat, Hari Negi and 4 otherslike this.