"उत्तराखंड"

"उत्तराखंड"

  

क्या कभी म्यरा भी दिन आला ??

सी दिन पैली भी गरीबी मा ही कटेनी,

और आज भी कुछ नि बद्ल्ये I

घुंडा पैली भी चिर्याँ ही रैंदा छाँ,

आज भी थ्यगली थैं लारू नि ऐ I

पैली बिराणों का बीच अपुथैं खुज्यांदु छौ,

आज अपणो  मा भी पछ्याण नि रै I

कभी क्वी इना फर्काणु कभी क्वी उना,

फ़र्क्ये की भी कुछ हथ नि ऐ I

कबी यू पी मा छऊ, फिर उत्तराँचल व्है ग्यों,

अब उत्तराखंड व्है की बी क्या व्है I

मी ता तब भी तिरस्कृत ही छौ,

अलग हवे की बी कुछ बक्की नि व्है I

फरक इथगा ऐ ग्ये की पैली बिराना लुटना छयाँ,

अब अपनों मा होड़ मची ग्ये I

मेरी  आज बी वी टक्क लगई चा ,

क्या कभी म्यरा भी दिन आला..???

विजय गौड़ 

२२.०५.२०१२